海潮食堂

营业中

休息中

旧同事介绍海潮食堂俾我，第一次我足足喺成业街来回左几次都揾唔到。明查暗访原来毫不起眼的一度木门后，就系观塘区美食所在地。每次嚟到，无论你系散客定熟客，只要老细喺度佢都会热情招待。谂唔到食乜佢会帮你推介，再加上无限嘅吹水，讲真细个跟老窦去工厂大厦食饭先会有呢种感觉，而家香港仲边度揾到咁有人情味嘅地方呢讲返食物，每次嚟到必食葱花蛋治，葱花蛋煎到热辣辣，蛋芯依然系软林林，再夹起两块脆卜卜嘅多士中间。口感好丰富，外脆内滑就系咁解。我系葱怪，最钟意多重，葱花蛋毫不吝啬嘅葱花，简直系我嘅恩物。自制麻辣汤底都系呢度嘅招牌菜，麻香味十足，辣得过瘾。仲有就系冻啡乐都系每次必嗌，原因有次唔知饮乜好，老细推荐呢杯不可错过。真系好饮㖞！斋啡同可乐系咖啡因状咖啡因，竟然出奇地配搭，可乐填补左斋啡嘅涩味；斋啡亦都令到可乐嘅甜腻平衡返。之后每次返嚟都一定要再饮，而家市面上都出咗啲罐装咖啡沟可乐，但系点样都唔够海潮呢一杯好饮。