蟹慶

营业中

休息中

其实已经唔系第一次食，女朋友话突然好想去日本食蟹道乐，既然未去到日本，就系香港食住先啦，又加埋老婆3月生日，就好好食返餐好既同埋顺便慰劳自己努力工作既成果，当去左日本。位于铜锣湾SOGO附近，一出地铁站就到，唔揸车既人都好方便可以去到，落咗条楼梯，再推开道门，餐厅已经充满海鲜嘅鲜味。我哋今日个餐几乎有10道菜。首先第一道系蟹沙律，特别位系佢唔系蟹柳，系用返本身食既蟹小部分整成，清新嘅感觉。跟住就系食特色刺身，分别系拖罗，深海鱼，赤贝，同埋赤虾。刺身系上盛款，拖罗恰到好处，赤贝亦都非常之先甜，不过纯粹当一个开胃菜咁食。上戏肉lu，今次拣咗鳕场蟹，所以就蒸左个鳕场蟹钳俾我哋，鳕场蟹啖啖肉，肉质鲜嫩，亦都非常之饱满，食完啲蟹肉已经饱咗一半，跟住就嚟咗个蟹肉海胆鱼子蒸蛋，哗，口感非常丰富蛋又滑，十分足料。跟住就系shabu shabu，都系蟹肉，同埋一啲杂菜，因为已经真系食得太多蟹肉，真系要食返啲蔬菜类，个汤底先系重点，吸收晒蟹肉嘅精华，真系连汤都饮埋，跟住嚟咗条喜之次，佢其实系一条鱼，师傅话呢个烹调唔系用油炸，竟然系烧出嚟，肉质非常之滑，当你以为你餐饭就咁完，佢最后亦都会俾埋个饭你，但因为上