NOI

营业中

休息中

四季酒店入面每一间餐厅都好出名，虽然价钱不菲，不过去过既人都会觉得物有所值。最近见酒店有间新餐厅 - NOI，食Fine dining，主打时令食材配搭。忌廉海胆意粉，海胆忌廉轻轻打成泡沫 食落好轻盈 减少左忌廉厚重嘅感觉。面头嘅海胆份量好多好鲜甜，而且好新鲜。配上食用花唔单止美观 食落仲有阵香味，所有食材配埋一齐恰到好处。黑松露和牛，和牛油脂丰富 但食落唔会好油腻。配上黑松露嘅香味 同我以往食过嘅松露味唔一样，呢款好香好香 唔系平时啲人讲嘅gas味，虽然份量好多，但系闻起都唔会好攻鼻，可能唔钟意食黑松露嘅朋友都会接受到。餐厅有好多款酒类/non-alcoholic配搭当天tasting menu，我地选择左Champagne，Staff推介Ernest Remy法国香槟，配上环境和食物，厨师同staff好专业，整个过程都令人好享受。