生記茶餐廳 (已結業)

天气开始凉凉地，有时太阳落左山之后寒寒地都想食啲热野个个都话食蟹粥要去澳门一转，食返官也街个间，但我食过几次，食完之后口干到不得了，应该系大量味精，货色普通又贵又唔抵食。结果几年都冇再出街食蟹粥，都系自己买蟹返屋企整过一次。前几日男友讲起想去澳门食蟹粥，心血来潮我就上网揾下香港有冇，结果.......比我揾到生记茶餐厅！！！然后我地就去试下。间野好有细个老豆带我去茶档食野嘅风格，旧旧地但都干净企理。可能个晚早去到，未有好多人，靓姐都比两个人坐大台舒服啲。我地叫左个细嘅蟹粥，上台个阵用砂煲上，滚腾腾，有一只蟹系入面。食个粥底好绵滑，好好食。搅匀埋啲蟹，都算几清甜，性价比都唔错。我地仲叫左一份炸墨鱼咀同白饭鱼，都算不过不失。因为个晚早食又未系好肚饿，其他佢推介嘅野就冇特别试。整体黎讲，食完无乜口干，价钱Okay，又唔洗去澳门同人迫都抵返到！