團日式拉麵

营业中

休息中

谂唔到要食咩既时候就系食拉面啦 咁啱附近有间好特别既拉面店 居然有日本旅行先会见到既拉面自助售票机 可以买左食劵先入去交俾店员 真系好特别我地一人食一个拉面再加一款饮品 但最后都已经好饱而且店员见我着白色衫 都会问我一句会唔会需要围裙 惊会整污糟件衫 真系好好服务呀我就试左樱花虾拉面 真系有好多樱花虾好足料 而汤底虾味都几浓 唔错唔错 两块豚肉都好正 半肥瘦 又唔薄 但完全唔会腻 味道真系好好架而面底拣左之前食过觉得好味啲既曲面 果然唔错 挂汤能力几好 可惜朋友都跟我拣咗曲面 试唔到直面嘅效果而且呢度既溏心蛋都整得好好架 好想再加蛋而朋友既黑蒜油拉面都唔错 饮左一啖汤 蒜油味真系几浓  咸咸地 朋友都几钟意 但我都系钟意我碗樱花虾多啲 哈哈至于饮品 就系平时拉面店见到既梳打系列 今次试左两款平时都冇试过既白提子同柚子苏打 柚子味道正常 好似冻既柚子蜜 味道不大惊喜 但白提子苏打真系好好味 味道唔会太甜 又有果汁既鲜甜味 下次会再饮呢款