泰.夯蝦 (堅拿道西) (已結業)

咁多年喺香港食放题就食得多啦，今日朋友带咗我嚟湾仔嘅呢一间放题，估唔到喺香港都可以食到泰式放题。价钱适中，但系最紧要环境气氛一流，好有泰式嘅感觉。一坐低，职员十分之有耐性教我哋成个流程要点样做，啲虾只只好新鲜，自己系鱼缸度夹上嚟，放落啲冰水度浸晕佢，就可以上炉烧啦，如果怕整污糟件衫，仲可以有围裙，十分之企理干净。除咗虾，就梗系唔少得仲有好多串烧嘅肉啦，全部都好新鲜，而我最钟意食嘅就梗系鸡软骨啦，食得鸡软骨又点可以少得泰式辣酱啊，佢连酱料都好齐全㗎，牛油，泰式辣酱，鱼露，等等全部都一应俱全自己攞。甚至连海鲜，全部都好新鲜，而且摆放整齐，又有熟食，就算天妇罗炸虾，都真系入口趣博博㗎，唔会觉得摆咗好耐咁，我一口气食咗五只啊。