影片
更多
2024-07-03
943 浏览
啲人成日话邻近城市嘅餐厅装潢非常抢眼，但系其实有啲香港嘅餐厅都落好重本架，尤其是呢间响佐敦嘅「香江花月」，无论系装修、餐具、服务、食材、摆盘都系将大众对香港火锅店嘅标准大大提高。首先讲讲个装修，餐厅主打系老香港风格，虽然餐厅都系行紧类似装修风格，但系可以做到复古而不失华丽嘅餐厅确实唔多。并未有如绝大部分香港餐厅一样，将餐枱排到好挤迫，虽然未至于做到包厢效果，但系食客嘅私隐度都相对较高，冇咁容易可以俾隔离枱偷听到倾计嘅内容。餐厅亦预留咗好多位置畀食客打卡，无论系大人定系小朋友，都适合影相留念。睇到呢度你或者会以为餐厅嘅食物，会被装修比下去，但系好快你就会打消呢个念头。我哋得两个人去打边炉，所以嗌嘅食物唔多。汤底我哋叫咗一个「豚肉白菜锅」，餐厅好有心机咁将个白菜同豚肉砌成一朵花，再洒上花瓣，然后再将蕃茄加入汤底入面，成个画面都好靓，店员一摆上枱，我哋都忍唔住要影一阵相先，然后店员就会帮我哋剪开朵「豚肉白菜花」。肉食方面我哋叫咗一个「香江拼」，「香江拼」其实系一个牛肉拼盘，包含咗多款上品嘅牛肉，当中有偏向浓味嘅安格斯肥牛、充满油香嘅牛白肉、偏向腍身嘅牛柳粒、香浓牛味嘅手切肥牛、嫩滑爽口嘅牛心
但系其实有啲香港嘅餐厅都落好重本架，
尤其是呢间响佐敦嘅「香江花月」，
无论系装修、餐具、服务、食材、摆盘
都系将大众对香港火锅店嘅标准大大提高。
首先讲讲个装修，
餐厅主打系老香港风格，
虽然餐厅都系行紧类似装修风格，
但系可以做到复古而不失华丽嘅餐厅确实唔多。
并未有如绝大部分香港餐厅一样，
将餐枱排到好挤迫，
虽然未至于做到包厢效果，
但系食客嘅私隐度都相对较高，
冇咁容易可以俾隔离枱偷听到倾计嘅内容。
餐厅亦预留咗好多位置畀食客打卡，
无论系大人定系小朋友，都适合影相留念。
睇到呢度你或者会以为餐厅嘅食物，
会被装修比下去，
但系好快你就会打消呢个念头。
我哋得两个人去打边炉，
所以嗌嘅食物唔多。
汤底我哋叫咗一个「豚肉白菜锅」，
餐厅好有心机咁将个白菜同豚肉砌成一朵花，
再洒上花瓣，
然后再将蕃茄加入汤底入面，
成个画面都好靓，
店员一摆上枱，
我哋都忍唔住要影一阵相先，
然后店员就会帮我哋剪开朵「豚肉白菜花」。
肉食方面我哋叫咗一个「香江拼」，
「香江拼」其实系一个牛肉拼盘，
包含咗多款上品嘅牛肉，当中有
偏向浓味嘅安格斯肥牛、
充满油香嘅牛白肉、
偏向腍身嘅牛柳粒、
香浓牛味嘅手切肥牛、
嫩滑爽口嘅牛心顶、
口感十足嘅牛小腿、
脂香四溢嘅牛舌、
爽口弹牙嘅黑柏叶。
我个人对「牛心顶」情有独钟，
呢款相对比较少响其他餐厅度食到嘅食材，
口感非常爽口弹牙，
而不失嫩滑，
认为非常值得一试。
餐厅亦提供咗一个「最佳时间」建议，
只要一扫QR Code，
就可以见到唔同部位应该要渌几耐，
非常贴心。
最后亦都嗌多咗一碟白鳝片同埋枝竹，
枝竹正常发挥，就唔多讲喇，
但系白鳝片系非常新鲜肥美，
亦为我哋呢一餐打边炉砌上最后一块拼图。
最后讲过呢一间餐厅嘅位置，
系其实非常之接近佐敦地铁站，
出咗地铁站之后任你点样慢慢行都系行一两分钟嘅路程。
交通便利，装修精致，食材优质，
的确需要多多支持。
香江拼
26 浏览
1 赞好
0 留言
豚肉白菜锅
31 浏览
0 赞好
0 留言
白鳝片 + 枝竹
20 浏览
0 赞好
0 留言
张贴
