影片
更多
2019-08-10
1476 浏览
作为半个西环街坊嘅我，对阿元来了一定唔会陌生，未搬之前直头系我食堂🙈，但搬咗之后就要坐叮叮去食少咗好多。前排经过西环尾见到有间新开嘅餐厅叫阿元菜市场🥬，再上网揾下，原来系阿元嘅分身食打边炉嘅🍲。我决定拉埋另一个西环友星期五晚嚟食下，因为食饱啲都有时间消化，唔使咁早训第朝又返工😪。8点钟嚟到见到坐满哂人，但好彩都有张二人枱😙，坐位都算几阔落，而且冷气够哂劲(呢样对34度嘅天气嚟讲真系好好好重要!!!)。餐厅装修好正好有心思，有好多台湾夜市档啲广告灯箱，又有旧电话☎️同邮筒📮等等，劲啱打卡🙈。大部分坐位都系一人一锅，见到系啲大枱先有一个大锅。一坐低店员已经好细心咁介绍有乜食，个组合系点样(主锅+汤底+副食+自助菜市场)，并推介招牌石头锅♨️，而呢款系无得拣自选汤底，因为set好咗配猪骨汤。之后我再研究🧐一下个餐牌，见到肉类海鲜等都有唔少选择，汤底就约四至五款，另外仲有其他打边炉嘅配料，花多眼乱😍。最终两个锅底分别叫咗沙朗牛肉石头火锅($169)，同埋特选安格斯牛肉配鲜味墨鱼汤($179+$10)，另加了一份蛤蜊($49)。无叫到其它食物系因为有得拎住个菜篮🧺去菜市场任拎蔬菜🥬同丸子😁。无几耐个
8点钟嚟到见到坐满哂人，但好彩都有张二人枱😙，坐位都算几阔落，而且冷气够哂劲(呢样对34度嘅天气嚟讲真系好好好重要!!!)。餐厅装修好正好有心思，有好多台湾夜市档啲广告灯箱，又有旧电话☎️同邮筒📮等等，劲啱打卡🙈。大部分坐位都系一人一锅，见到系啲大枱先有一个大锅。
一坐低店员已经好细心咁介绍有乜食，个组合系点样(主锅+汤底+副食+自助菜市场)，并推介招牌石头锅♨️，而呢款系无得拣自选汤底，因为set好咗配猪骨汤。之后我再研究🧐一下个餐牌，见到肉类海鲜等都有唔少选择，汤底就约四至五款，另外仲有其他打边炉嘅配料，花多眼乱😍。最终两个锅底分别叫咗沙朗牛肉石头火锅($169)，同埋特选安格斯牛肉配鲜味墨鱼汤($179+$10)，另加了一份蛤蜊($49)。无叫到其它食物系因为有得拎住个菜篮🧺去菜市场任拎蔬菜🥬同丸子😁。
19 浏览
0 赞好
0 留言
19 浏览
0 赞好
0 留言
无几耐个石头火锅率先嚟到💁♀️，店员预热个炉后，会喺我面前用油同洋葱爆香啲牛肉，到咁上下拎返啲肉出嚟，再倒啲高汤同猪骨汤🦴落个锅到，店员话如果惊太浓味可以之后叫佢哋加水，重口味嘅我一于试啖先，又觉得OK👌㖞，仲好正添🙈，我朋友都有同感。
19 浏览
0 赞好
0 留言
另外，我屈个朋友叫咗另一款鲜味墨鱼汤🦑试下，其实个汤底应该叫墨汁汤啱啲，因为成个汤都系黑色🖤的，火锅汤嚟讲几罕见，不过味道就唔突出无咩特别，我成程都系食返我个猪骨汤👻。至于牛肉方面，石头锅果份就比较普通，但特选安格斯牛肉就唔同，牛肉味🐂劲正，够大碟，每人食到好多片，而每片好大、油脂亦好均匀😋。蛤蜊亦都几唔错唔算细只，有十只到，但建议快啲放落锅，唔好摆太耐，因为垫底啲冰喺炉边好快溶。
16 浏览
0 赞好
0 留言
跟餐副食叫咗一份冬粉，同一碗鲁肉饭(+$10)。冬粉最后先落，因为想索哂啲精华🤤。鲁肉饭比较的骰，但味道都同阿元来了本店差不多。👍🏻
讲返菜市场🥬🥦🍆🌽🥕，𠮶边同时放埋酱油同各式各样嘅丸，我基本上每样丸都试哂🙈，实在太胃食。其中有几样真系超正，啪咗劲多位。第一位系九层塔丸☘️，呢个我喺第到无食过，一食落已经劲香，而且仲有啲好似墨鱼嘅嘢好爽口😍😍😍。第二位系鱼包蛋，尖尖嘅造型，已经估到系包芯，但原来入面系爆浆蟹籽🦀。其他蟹柳、鱼卵卷、鱼板、虾味球等等，全部都唔错。
🥬菜方面，都有好多选择(包括菇类🍄)，而且有好多菜喺香港都好少见，例如A菜同水莲，我想讲呢两样用嚟打边炉真系好正，好吸汤，而且我劲钟意佢好爽，食咗好多转，真正食到饱🤰。另外啲🌽粟米好甜，而且个size食落好方便，又食咗几嚿。
10 浏览
0 赞好
0 留言
我真系劲饱好满足😌，本身想食埋甜品都食唔落。题外话食到尾段发觉个汤真系有啲咸🙈，因为每次加汤都系加猪骨汤，而且渌完咁多嘢食愈来愈入味，所以食最后一round菜同冬粉前叫店员帮手落啲清水，咁就啱啱好👍🏻。饮品方面，叫咗一杯冻胚芽珍珠奶茶💣($29)，正正常常唔会太甜。另外叫咗分解茶🍵($25)，原来系枝装的，有黄姜成份I like it，又真系几消滞。
除咗食物同环境，餐厅嘅服务都好好，每个店员都好好礼貌好细心😇，主动帮我哋收碗碟同加汤，而且熟悉餐牌。无意中仲见到佢地好认真咁清洁🧽炉头，抵赞。
总括嚟讲，阿元无令我失望，食物环境服务卫生都无得弹👍🏻👍🏻👍🏻，真正食到饱的一餐😍。但价格就中等啦，因为平均一个餐再叫饮品连加一都差不多$200，但胜在有自助嘅菜市场，令性价比高返😆。嚟西环又想食好西打边炉嘅你，绝对唔可以错过👍🏻。
张贴
