正宗蘭州牛肉拉麵 (已結業)

喺尖沙咀行完街揾食，见到佢入面有人食紧土豆丝(心心眼), my favourites. 念都唔念就入左去啦。原来呢度出名食拉面，我地两个人叫左一个酸菜牛肉面餐开心share，配上我好想食嘅酸辣土豆丝。见隔离枱炒到劲香嘅京葱牛肉，决定叫一碟试下。两个人食，share 一个面又怕吾饱，所以又叫多葱油饼。酸菜牛肉拉面：好快上菜，先试啖汤，好够味，牛肉砌簿片，牛肉味好浓，好啱我口味，面质有弹牙。酸辣土豆丝：薯仔丝砌得好平均，粗幼刚好。酸酸辣辣，够爽口👍京葱爆牛肉：未坐低，隔离枱阵阵香味传过嚟，真系香到爆啊，牛肉味好浓郁，京葱爆炒过之后，超惹未，送饭绝对一流，最后成碟清晒。葱油饼：同平时食上海餐厅𠮶啲有啲唔同，佢比较酥脆，我比较钟意呢种口感，好香。平时出街食饭，好少会特登约朋友去食东北菜，今次嘅偶遇，都有少少惊喜。