韓珍 (帝國中心) (已結業)

冇得去韩国旅行 唯有喺香港揾间正宗啲嘅韩烧 怀念一下去韩国食烧肉嘅感觉啦 今次嚟到尖沙咀嘅韩珍 佢老细系韩国人 职员系讲英文同埋韩文为主嘅 平日嘅夜晚去到都好多人 睇吓Menu有咩食先 佢选择除咗烧肉之外 亦都有一啲熟食 不过唔想谂咁多 就叫咗个拼盘叫完嘢食之后先系上咗几款唔同嘅小菜 个人觉得虾同埋鱿鱼泡菜系最好食嘅 另外都有一个沙律同埋有一个芝士蛋 通常韩国餐厅食嘢 呢啲小菜都可以追加嘅 食完之后叫老细encore左多一次呀呢个八方美人拼盘有猪牛鸡仲有海鲜 一次过满足晒四个愿望呀 个店员仲有过嚟帮我哋手烧添 鲍鱼本身已经有味 所以烧完就咁食唔使点任何酱都好好味 牛𠮶啲呢就点少少盐已经可以带到佢嘅鲜味出嚟啦正宗生菜包系摆完菜 跟住摆块肉 再点啲大酱蒜头上去 一次过包埋嚟食 然后一啖塞哂落口 食烧肉咁热气 梗系要叫番杯啤酒下下火啦 叫咗一款Stella啤酒 另一个系呢个浮夸成支啤酒倒转插喺个杯度嘅cocktail 甜甜地几好饮呀食食吓老板走过来同我哋倾偈 我用我嘅韩文同佢讲咗几句 佢都好surprise我可以用韩文同佢对答 好想去韩国旅行疯狂讲韩文呀