台灣ET鹽水雞

营业中

休息中

其实每次去台湾旅行，夜市嘅食物一般般啦，最钟意反而系盐水鸡！可惜依样睇落好似系几简单几容易整嘅食物，返到嚟香港系完全冇得食嘅！直至到我知道系开咗一间盐水鸡嘅CHAIN STORE，其中一间分店就喺旺中，今日咁岩去开附近就去试一试。佢哋嘅盐水鸡ORDER方式同台湾差唔多，都系一个个餐有唔同份量嘅鸡，再加几样配菜咁。当然啦可能因为佢哋喺铺头，选择都比较多。买咗一份一人餐，鸡几个配料，再加埋见到好多后生仔都嗌嘅冷面，捞捞埋埋都有一大盒。试吓Ｄ鸡，其实都唔错，当然佢哋唔可以要求好似台湾咁咁有鸡味，但系都算系香港冇选择之下都食得过嘅。比较惊喜嘅就系你哋嘅鸡，都切得比较大旧，方便食得黎唔会太碎。青瓜系爽脆嘅，皮蛋听落好似九唔搭八但其实几好，最惊喜嘅就系佢哋嘅冷面，好弹牙好吸味，唔怪得咁多人嗌啦。不过要小心嘅就系，如果唔食得辣嘅话，就唔好叫太辣，如果唔系，成盒野同一个味，太辣食唔到嘅话就比较浪费喇。价钱当然冇台湾咁平，鸡嘅份量多嘅SET都要一百几十蚊。如果偶尔行过旺中附近嘅，都可以试下。