開餐 (已結業)

书展去唔成，放假想揾个地方食下饭，休息下！咁就过咗嚟佐敦食个午餐！今次过嚟食个两𩠌饭！因为佢哋嘅两𩠌饭可以有好多种嘅配搭！今次小编做咗样好大胆嘅嘢！叫咗两样好唔啦间嘅嘢！一个系豉椒炒蚬，另外一个系泰式凤爪！首先讲吓炒蚬，炒得都够热嘅！而且个汁唔算好辣，而且都几入味！重点就系d蚬无沙，食落去都好有豉汁味。之后就讲吓凤爪，佢系一个冷盘嚟嘅，都几大只下！酸酸地辣辣地，唔错嘅，如果有少少萝卜丝嘅话，咁就可以叫完美啦！佢仲有两条菜心，都几新鲜嘅！最后我讲吓饮品啦！我叫咗冻柠茶！茶底够清，而且都几浓下，都好够甜！服务态度方面：店员非常礼貌，服务亲切！用餐非常愉快！