德美壽司 (德民街)

营业中

休息中

用餐果日系堂食放宽嘅第一晚，晚上7点黎到，已经满座，要等一阵。今次系小弟第一次黎德美，虽然好早之前听过呢间餐厅，但一直冇机会试...好彩等咗15分钟就有位，仲咁啱系坐房仔，可以比较日式咁坐😂睇下个餐牌，系包罗万有，连一啲比较冷门嘅刺身同烧物都有，亦有好多款酒。最后决定叫咗一份寿司盛、三文鱼腩、锅烧乌冬、牛油果软壳蟹卷、蟹籽同埋海胆寿司。侍应就算忙到踢晒脚都好有礼貌，喺香港都几难得。食物整体都好食，刺身够新鲜，乌冬都够热。特别推介牛油果软壳蟹卷，等枱见有侍应哥哥拎住好似好食，所以叫，原来真系好得！牛油果够新鲜，软壳蟹都几大只，又炸得够脆，暂时食几家日本餐厅嘅软壳蟹卷，德美系最好味🤤不过埋单价钱几贵，2人都要$650左右。