醉吾串

营业中

休息中

近期路经发现小店，见食评又唔错，就决定去试吓。首先，想要喺香港一般既串烧店，食到用心制作既串烧并非易事。先唔讲食材质素同火侯控制，好多时啲调味方法千篇一律，有时真系会分唔清自己食紧啲乜嘢。但系喺呢度，除食材优质外，你会试到厨师用唔同手法去烹调唔同嘅食材，火侯恰到好处。其中最令我刮目相看既就系呢个烧豆腐。我从未试过喺串烧店叫烧豆腐，经店员推荐之下，我决定一试。果真冇令我失望，口感相当好，味道配搭得宜。😋除此以外，店员服务态度唔错，喺香港唔系好多小店会有呢种招呼。今次系平日夜晚去试，发现客人唔多，希望呢啲高质用心既小店可继续营运落去喇。唯一既建议系希望可以提升性价比，因为每份份量太少，可能因为食材质素高卦。对我嚟讲，呢个价位就算好食都未必可以经常光顾了。