喜記避風塘炒辣蟹 (利園山道) (已結業)

就黎做冬，唔想妈咪系屋企做得咁辛苦，所以今年我地决定出街食饭做节。妈咪本身钟意食蟹，所以我地带左佢去铜锣湾度食避风塘炒蟹。我地叫左一只避风塘炒辣蟹，醉鲍鱼，黄金虾，蒜香唐生菜，豉椒炒蚬同埋避风塘炒牛河。先黎既系炒辣蟹，佢系成只蟹咁俾我大，有一大堆炸蒜伴碟。我地只系要左小辣，味道非常惹味，蟹肉又多又大又啖啖肉，好正呀。我地食到停唔到手。醉鲍鱼渗著浓浓酒香，好大只啲肉又稔身唔韧，食到妈咪见牙唔见眼。黄金虾炸得非常香，脆卜卜，又多肉，味道好正呀。唐生菜就分量好大，味道正常。炒蚬系小弟既my飞佛之一。分量大，味道好，唔腥，冇沙，又惹味。炒牛河分量都几大，味道唔错，牛肉炒得好香好稔，加埋啲蒜香真系一流。