靚煲皇 (已結業)

麻辣鸡煲，够麻辣香口，啱晒我地男人攞嚟一边饮啤酒一边食，食只鸡就叫店员加汤打边炉，个台山蚝虽然size比唔上美国桶蚝咁大，但比美国桶蚝更加够鲜蚝味，又唔会食到沙同蚝壳碎，D蚝清洗得几细心干净，个牛胸爽好爽够牛味，一食落口就成口都系阵牛油香味，正！个雪花肥牛，一上枱有惊喜，仲以为同出面𠮶啲打边炉一样，系好似佳宝𠮶啲一卷卷既牛咁，系就系牛肉，但一啲牛味都冇，呢度既竟然牛味好足，价钱仲好抵，唔系薄薄地一片同一层！仲叫咗个莴笋同埋生根，莴笋配麻辣汤绝配，新鲜清爽嘅莴笋味同香浓嘅麻辣汤味绝配👍👍啲生根吸满满嘅汤汁香麻辣汤汁真系超正，呢间打边炉好食，仲可以坐室外，气氛好啱同兄弟嚟一路食一路啤啤佢，下次再叫多啲人嚟试埋其他煲底同埋其他菜式✌🏻✌🏻