點點心 (已結業)

香港嘅点心种类非常多，呢间点点心深受游客欢迎，今日经过决定食下点心当下午茶。食过嘅朋友都知佢地嘅脆皮鲜虾肠十分岀名，我地一行人决定叫两碟呢！虾肠外面睇落平平无奇，但里面有一层脆皮，再有虾肉，又脆又滑！我地都钟意食香口嘅食物，所以烧汁酿青椒都叫左两碟。鱼肉份量多，青椒煎得够香够脆，配埋烧汁好夹！呢个肥猪仔流心包其实同平时嘅流心包一样，只系外表得意啲。蟹籽烧卖皇饀料够多，皮够薄，调味亦啱啱好。最后呢个松茸汤鲜竹卷，味道单调，松茸味唔岀，属于健康之选。