潮食街 (已結業)

星期六晚食好多人，可以因为依家有优惠做紧，大家都黎试下。野食都以中式为主，好多种类既中式野食都有例如叉烧、烧肉、汤盎...但中式既野又冇话特别好食。个人觉得软壳蟹天妇罗好正，食左好多旧，真系外脆内软，又唔会太干。同埋紫薯天妇罗都推介👍🏻👍🏻👍🏻另外佢呢到有法国生蚝食，见到条队一直都keep住多人，但对于唔食蚝既我黎讲就冇吸引力既。我就食多几只蟹脚补下数。肉类既食身味道一般，不太特别。甜品就食左几个心太软，佢即场用光波炉整，热辣辣再自己加d雪糕上去就perfect✨仲有个拿破伦都好食。呢到个环境同设计好特别几型，但野食就普通，我觉得都可以黎试一试✨不过地方就真系入，比工厂大厦包围。