點點心 (已結業)

香港嘅點心種類非常多，呢間點點心深受遊客歡迎，今日經過決定食下點心當下午茶。食過嘅朋友都知佢地嘅脆皮鮮蝦腸十分岀名，我地一行人決定叫兩碟呢！蝦腸外面睇落平平無奇，但裏面有一層脆皮，再有蝦肉，又脆又滑！我地都鐘意食香口嘅食物，所以燒汁釀青椒都叫左兩碟。魚肉份量多，青椒煎得夠香夠脆，配埋燒汁好夾！呢個肥豬仔流心包其實同平時嘅流心包一樣，只係外表得意啲。蟹籽燒賣皇饀料夠多，皮夠薄，調味亦啱啱好。最後呢個松茸湯鮮竹卷，味道單調，松茸味唔岀，屬於健康之選。