Hero's Friday (已結業)

食咗咖啡味猪柳蛋班宝同埋芝士汉堡加蛋，小食要咗薯角同埋麻辣鸡粒。全部嘢食都热辣辣，新鲜制作，咖啡味猪柳蛋班宝个炒蛋好厚好热好好食，猪柳同蛋嘅味道同个咖啡味pancake好夹，非常推介，仲要冇乜汁，健康但又极好味之选。芝士汉堡我嫌佢多汁得滞，唔知系啲芝士溶咗定系牛肉流出来嘅汁，除咗呢样其他配料都好完美，个汉堡扒好有肉味，个生菜好新鲜。之后仲要赞下啲小食，个薯角好足料，好大碌，入口辣嘴，个麻辣鸡粒麻辣味调得几好，唔怕喊得滞，一样又系热辣辣，好香口！总括嚟讲全部嘢食都好完美，一定会再帮衬。肚饿得滞，冇影到相。