滬小川餃子麵館

营业中

休息中

呢个舖位一年转几次手，今次呢次终于叫做食中九龙城居民口味，叫做平民啲，不过食过一次真系唔会再去坐低嗌咗个餐，问个呀姐跟餐杯野饮可唔可以加钱转奶茶，佢同我讲可以加$26, which is 系樽奶茶嘅原价嚟，咁就唔系叫加钱，系叫另外嗌多樽奶茶，最后嗌返餐包嘅冷泡茶然后落完单，佢出咗张外卖单俾我，贵咗8蚊，驳我唔睇单？落完单劲耐，面都嚟埋，樽茶都未到，原来系呀姐唔记得咗。牛腩面嚟到，成碗都冇乜味，自己落咗几羹辣菜脯先叫好啲。又等咗劲耐，今次个呀姐醒咗，过嚟问我争啲咩，我话一份汤饺一份煎饺一份跟餐小食汤饺嚟到啖而无味又系自己加咗几羹辣菜脯，特别系粒鲜虾云呑，细粒过面舖嘅云呑份煎饺嚟到系暖嘅，上碟吹都唔洗吹就摆到入口。份凉拌小食反而系最后上枱嘅，真系唔明呢啲煮都唔洗煮嘅野点解会系最后先到？而对于一间标榜自己专做饺子嘅舖头嚟讲，佢嘅饺真系极为普通，一啲都唔出色，做到新客生意都未必会有回头客。自己包嘅饺分分钟好食过佢。