大頭芋烘焙

营业中

休息中

去亲台湾旅行都会买芋头酥比屋企人食，可惜近年都无得去。之前系市集买过一次大头芋既芋头酥，屋企人都大赞！今次去开荔枝角就顺便买几只番去。大头芋既芋头酥，不添加防腐剂、且无色素，非常健康！原味入面有芋头泥，带点颗粒口感, 食起来有淡淡芋头香，唔甜又唔腻。除了原味芋头泥馅外，仲有蛋黄馅同麻糬馅，完全可以满足唔同口味既朋友！我自已最钟意麻糬馅, 烟烟韧韧,层次丰富！蛋黄馅就带点咸香味。除左芋头酥之外，依度仲有bagel,蛋卷, 吐司买。我拣左个伯爵茶bagel做下午茶，同出面其他bagel唔同，呢款食落比较松软，充满浓浓伯爵茶既香味，食落甜甜地！满足！顺带一提，大头芋既包装好精美，送礼自用都好适合！