大快活

营业中

休息中

今日朝早出沙田有啲事要搞，办完事之后已经非常之肚饿，嗱嗱声去食返个早餐先搭车走。沙田火车站上边呢间大快活，永远都系好多人，今日系周末有更加唔例外，拎餐排左超耐队。今日咗鸡扒拼脆皮肠餐，再加多个麦皮。因为有麦皮，所以多士我就转咗做萝卜糕。脆皮肠系唔错嘅，今日个鸡扒就比较细件少少，但煎得几香口，个汁就唔系橙色一劈个只，反而系好似卤水咁嘅比较稀啲嘅质感，系比较少Ｄ。萝卜糕OK，系食得出有腊味嘅味道，系又系超细件。因为只系食鸡扒系冇可能会饱，所以就再加左个麦皮。麦皮本身呢佢地就无落糖嘅，但系我叫佢攞炼奶，加埋炼奶，系好香好滑，当然比屋企自己煮嘅好啦。而家可能食嘢比较贵，一个餐加一个麦皮要加$7.5，全部野加埋都要$41，其实都几贵，所以都系偶然放假先食下啦，唔怪得佢都要整个每周特价餐啦。