北海道牛乳蛋糕 (莊士倫敦廣場)

营业中

休息中

行街经过已经闻到阵阵蛋香味，蛋糕同批都系现场烘焙，唔同款式有唔同嘅出炉时间，外面有玻璃柜展示各式各样嘅蛋糕同批，入面都设有几张木桌方便客人堂食。特浓朱古力蛋糕($110)，身为朱古力控嘅我一定要拣朱古力味。外观唔花俏，一咬好松软，有奶香再配上浓浓嘅朱古力味，中间仲夹住流心嘅朱古力馅。冲绳紫薯挞($22)，20几蚊有一个咁靓嘅挞系平常之抵，除咗平同靓，食落亦都好高质。上面嘅紫薯淡淡唔太重，好香滑，挞底非常松脆。红桑子朱古力挞($25)，写住系新出一于试下，如果成个都系朱古力会有啲腻，加咗酸酸甜甜嘅红桑子，解腻之余仲令口感升华。照烧牛肉批($22)，一拎上手就好烫，真系新鲜焗起。外表焦脆焦脆，入面嘅馅料非常丰富，系牛肉洋葱同蘑菇，份量十足，食一个已经好饱！