和拉麵

营业中

休息中

依个系香滑豚骨拉面，加$12可以转为特浓汤底，汤底入口确系香滑，有豚骨香但系唔会好漏，可以饮得晒成碗汤。配料有半只溏心蛋、两块叉烧、木耳丝、青葱、笋、紫菜，两块叉烧一大一小，大𠮶块叉烧肉质正常，猪皮有弹性，有轻轻烧过所以闻落几想，但系细𠮶块叉烧嘅肉质好鞋，好似煲汤嘅瘦肉咁，有点可惜，至于溏心蛋嘅生熟度同埋味道都唔错，笋亦无异味。除咗固定几款嘅拉面汤底，仲有其他期间限定拉面，例如牡蛎汤、贝汁鸡豚清汤、酱油鸡豚清汤，另外小食嘅选择都比一般拉面店多，有串烧、炸物、天妇罗等等。