和拉麵

营业中

休息中

依個係香滑豚骨拉麵，加$12可以轉為特濃湯底，湯底入口確係香滑，有豚骨香但係唔會好漏，可以飲得晒成碗湯。配料有半隻溏心蛋、兩塊叉燒、木耳絲、青蔥、筍、紫菜，兩塊叉燒一大一小，大嗰塊叉燒肉質正常，豬皮有彈性，有輕輕燒過所以聞落幾想，但係細嗰塊叉燒嘅肉質好鞋，好似煲湯嘅瘦肉咁，有點可惜，至於溏心蛋嘅生熟度同埋味道都唔錯，筍亦無異味。除咗固定幾款嘅拉麵湯底，仲有其他期間限定拉麵，例如牡蠣湯、貝汁雞豚清湯、醬油雞豚清湯，另外小食嘅選擇都比一般拉麵店多，有串燒、炸物、天婦羅等等。