牛壹台食 (已結業)

听同事讲公司附近最近开咗一间新嘅台式餐厅，听讲价钱唔贵仲几好味，今日收工就去试试佢😋💚招牌红烧牛腱心牛肉面呢个牛肉面一上枱就闻到好香红烧牛肉味，牛肉一共有两款，一款系平时普通食牛肉面嘅牛腱心，啫系香港人嗌嘅牛𦟌，牛𦟌非常入味，连啲筋位都好淋。另一款系好似牛肋条咁样，相比起牛𦟌嘅肉感比较重，一样都系卤得非常入味。汤底好浓味，关庙面非常挂汤，浸耐都唔会淋哂，下次再嚟会想试吓个刀削面😋💚古早味卤肉饭食台湾嘢点可以唔食卤肉饭？呢个卤肉饭好有诚意，除咗肉碎做嘅卤肉，上面仲加咗啲一粒粒嘅猪肉粒增加口感，猪肉粒偏肥，味道唔错，但食完觉得好邪恶。💚麻辣鸭肾呢个鸭肾嘅质感唔算系好爽口，麻辣汁唔系好麻亦都唔算好辣，反而有好重嘅蒜味同埋偏甜，虽然唔系我想像中嘅麻辣味，但系都几好食，呢个辣度就算唔系好食得辣嘅人都可以试吓。💚珍珠奶茶好正常嘅一个珍珠奶茶，珍珠几有咬口，拍得住出面嘅茶饮店。💚蜂蜜绿茶冇乜特别嘅蜂蜜绿茶，但系食完肥腻嘢之后饮一啖都几清爽。一个主食加一杯饮品先系$80有找，喺港岛食一个咁嘅晚餐，性价比唔错。味道: 🌕🌕🌕🌖🌑服务: 🌕🌕🌕🌖🌑环境: 🌕🌕🌕🌗🌑价钱: 🌕🌕🌕🌕🌑📍 牛壹台食 (湾仔)