Oggi (已結業)

今日又系要贡献午餐时间比公司嘅一日。附近嘅外卖已经食到厌，好在外卖app 推出咗跨区餐厅嘅菜单，令我啲电脑饭唔洗千篇一律。见到$65 有北角Oggi 嘅意大利饭食，平时出街外卖自取都多数做唔到呢个价位，即刻落单。物流一如以往地有效率，外卖到手仲系热到出烟。今日我仲自备埋餐具，连佢啲袋都悭返。Blue mussel Saffron Risotto，蓝青口系靓货，鲜味比半壳嘅绿青口好太多。意大利饭有好浓厚嘅芝士味同海鲜汤味，饭粒保持咬口，值得一试。