前家樂餐廳火鍋店 (已結業)

很久以前听过前家乐这餐厅名字，今晚有机会一试。食物选择很多，除了火锅以外，仲提供鸡煲同埋烤鱼。不过今日想食鸡煲，麻辣同芝士好似其他地方都有，所以就点左鲜甜椰子鸡煲。鸡煲份量都好大，而且好足料。送个煲上黎之后都闻到好香的椰子香味。除了有好多件的主打三黄鸡件外，汤底仲有好多其他配料，杞子﹑洋葱﹑红枣﹑芹菜和鲜椰子肉。成个汤底都系奶白色，很浓椰子香味。鸡肉很香，骨细肉嫩。虽然比较多油脂，但食落又唔觉得太肥腻。鸡件份量又多，食完个鸡煲之后都饱左一半。当然仲点左几种配料。莴荀同黑木耳都很清甜好脆。墨汁墨丸好弹牙。不过双拼滑更加好食，虾滑和墨鱼滑，除了足料，食到啖啖虾肉粒同墨鱼肉粒，仲真系好鲜味。熟左之后仲十分弹牙。芝士竹轮好特别，竹轮的外表包住流心的芝士，很惹味。响铃完全无油味。鱼皮好脆，最重要唔系好咸，可以当小食即食。食到后半再饮一碗汤底，所以配料的精华都留左系汤底内，比起一开始更加添鲜甜。食得很满足的一餐，真系要一赞这个鲜甜椰子鸡煲。味道浓到真系好有住家汤的感觉，食得到师傅的用心。