好湯好麵

营业中

休息中

大围好汤好面，浓郁既汤底好食到可以连汤都饮晒既汤面🍜！应该最近系大围人气几好既汤面店，lunch time都坐满人！ 不过店主应该要控制一下入场人数🤔😂话明系好面 所以就得面食，仲有啲小食，甜品咁，估唔到有啤酒饮添叫咗一碗海龙皇汤面$130 材料有蓝蟹肉、海虾、北海道带子、虾头油、黄汤、阳春面。一上菜就闻到劲香虾汤味，店员好细心咁俾咗湿纸巾我哋灭虾壳。食材都好新鲜，虾好爽口。面质正常。我谂主角应该系碗汤，就好似日式拉面咁，都好香浓！好饮到我哋差唔多饮晒咁滞！另一碗叫咗浓虾饺$88材料有海虾、猪肉饺、龙虾牛油、虾子、高汤，配扁阳春面。对比起头先𠮶碗，呢一碗嘅汤底冇头先海龙皇汤咁浓味，但系都好香虾汤味。有两粒猪肉饺同埋两只虾 ，猪肉饺似系自制嘅，馅料好似小笼包咁嘅味。总括来讲，汤面嘅汤底真系好浓郁，感觉上真材实料，而且冇味精，好好饮！不过价钱来讲都实在系几贵，以海龙皇黎讲，仲贵过一碗日式拉面🙈如果定价减返10至20蚊比较合理。