大麥牛肉麵 (已結業)

同老友去完大馆，跟住去左西环揾地方食dinner。见到呢间牛肉面，主打食自家制荞麦面，未见过，价钱又几抵，就入去试下。我同老友都叫牛肉面，不过我就叫荞麦面，佢叫普通面，大家都叫香辣，佢就走芫茜。我个碗荞麦面劲香荞麦味，连汤底都好浓荞麦味，面质较粗，因为荞麦比例高，食落比较粗糙啲，但相对老友个碗就无咁辣。佢个碗无左荞麦味，汤饮落去辣啲，面质滑啲。两碗汤底各有特色，都好香浓。食完一啲口渴都无👍🏻证明佢真系无味精。牛腱炆得好入味，牛味香浓，有四块，如果再腍啲会更好。重有旧红烧萝卜，好甜无渣👍🏻半只蛋卤水拼盘既一样。小食叫左凉伴青瓜同卤水拼盘，青瓜香而不太辣，好啱呢啲热辣辣既天气食，消暑一流！卤水拼盘既无乜卤水味，可以再入味啲更好。鸡翼同鸡槌炆到好腍，轻易就lun到啲骨！卤水味相对入味过蛋，唔会太咸。野饮老友叫左雪碧，我叫左杯桂花薄荷酸梅汤，酸味主要黎自洛神花同山楂，带有淡淡桂花香，意外地好饮！