影片
更多
2024-04-29
1102 浏览
已经好耐无去过名店坊揾食，平日为咗避开放工时间逼地铁，最近都系去中西区比较多。今日去嘅餐厅，听闻系由大围开过嚟港岛。铜锣湾分店喺名店坊ものもの正对面，好容易揾。餐厅无得订位，只接受walk-in。餐厅好繁忙，好在早到一步，可以坐到最后一张枱，排后面嘅客人要等位啦。店舖位置唔大，餐厅用尽每一寸空间，所以会坐得逼啲。如果行完街，拎住大包细包入嚟食，就会坐得辛苦。一早睇好menu，基本上唔洗谂已经可以落单😌棉花鸡面 ($103)汤面好足料，有日本鸡肉、鱼肚、花菇、云腿丝，真系将成旧棉花鸡放哂落汤度😆。哩一款面就配扁阳春面。面软硬度适中，有咬口，保持到口感之余，又唔会太硬身。汤底好清，但系唔会好淡，清清哋反而唔会盖过食材本身嘅味道。调味平和，食落好清爽，食完个口唔会黏黏笠笠。推荐👍🏻海龙皇汤面 ($140)试埋另一个招牌面，系海鲜迷必试‼️汤面同样足料，有蟹肉、虾、鱿鱼、带子、蚝肉。海鲜汤面底有啲唔同，系配幼身阳春面。成个面最正系个汤底，系好浓嘅龙虾汤，未开始试已经闻到个香味。碗面睇落细细碗，但系食下食下份量都几多，啲面夹极都有。同埋汤底系龙虾汤，同鸡汤面比较，海鲜汤面比较腻，配幼身阳春面好岩，
今日去嘅餐厅，听闻系由大围开过嚟港岛。
铜锣湾分店喺名店坊ものもの正对面，好容易揾。
餐厅无得订位，只接受walk-in。
餐厅好繁忙，好在早到一步，可以坐到最后一张枱，排后面嘅客人要等位啦。
店舖位置唔大，餐厅用尽每一寸空间，所以会坐得逼啲。
如果行完街，拎住大包细包入嚟食，就会坐得辛苦。
一早睇好menu，基本上唔洗谂已经可以落单😌
棉花鸡面 ($103)
汤面好足料，有日本鸡肉、鱼肚、花菇、云腿丝，真系将成旧棉花鸡放哂落汤度😆。哩一款面就配扁阳春面。
面软硬度适中，有咬口，保持到口感之余，又唔会太硬身。
汤底好清，但系唔会好淡，清清哋反而唔会盖过食材本身嘅味道。
调味平和，食落好清爽，食完个口唔会黏黏笠笠。
推荐👍🏻
海龙皇汤面 ($140)
试埋另一个招牌面，系海鲜迷必试‼️
汤面同样足料，有蟹肉、虾、鱿鱼、带子、蚝肉。海鲜汤面底有啲唔同，系配幼身阳春面。
成个面最正系个汤底，系好浓嘅龙虾汤，未开始试已经闻到个香味。
碗面睇落细细碗，但系食下食下份量都几多，啲面夹极都有。
同埋汤底系龙虾汤，同鸡汤面比较，海鲜汤面比较腻，配幼身阳春面好岩，如果唔系食到尾会觉得太滞。
两个面都做得唔错，汤面无套餐，饮品要另外加。
食完个面又唔觉得好口渴㖞，味精唔重。
如果一定要讲的话，唯一缺点只系环境太逼坐得唔舒服。
推荐大家嚟试下，但记得要预留啲时间排队等位。
张贴
