泰聚

营业中

休息中

最近试咗一间泰式小店，价钱亲民。酸辣凤爪系开胃菜的必点之选，凤爪浸泡喺酸辣酱汁入面，入口酸辣开胃。凤爪煮到啱啱好。牛杂锅（中）$238，呢个牛杂锅份量十足，我哋两个人share食好够。有牛肚、牛腩、牛筋、牛肠、牛丸、白萝卜等，啲汤底浓郁香辣。牛杂嘅口感刚刚好，腍而不烂，仲带少少嚼劲。辣椒膏炒蚬用泰式辣椒膏爆炒，辣味浓郁。蚬无沙几好。小食拼盘有春卷、虾饼、鱼饼、蟹枣、鸡翼。呢个拼盘一次过可以试到多款泰式小食，啱晒一班朋友share！ 春卷外皮炸得香脆；虾饼口感弹牙。鱼饼有浓浓嘅香茅味。蟹枣外层酥脆，质感非常丰富。鸡翼香脆。最后仲叫咗炒椰菜苗，够大碟。