陸陸雞煲火鍋 (已結業)

3个女仔又话要边炉又话要鸡煲，最后6点钟就去左旺角呢间唔系任饮任食既鸡煲火锅。可能系由于平日同早既关系，所以餐厅无乜人，服务员态度好好，亦都会推荐餐厅既手打菜色同主打饮品。由于我地都唔太食辣既关系，所以嗌左个大煲少辣走芫荽！鸡煲偏重口味，食落会愈食愈上瘾，不过略嫌大鸡煲好多都系骨同皮，甚少肉。我地嗌左唔少野食，但最后都食唔晒有些少浪费，但都极力推荐陆陆六宝丸，真系手打丸黎，而且墨鱼丸好有咬口。好可惜每款只有2粒咁大把，要share黎大家一齐食啦！而埋单每人都要大概300蚊左右，不过以质素黎讲值得既。