坂奈 (已結業)

比目鱼边刺身 HKD38/2切马刀贝刺身 HKD38/3切话说我都几钟意食豉椒炒蛏子，不过印象中，蛏子(马刀贝)刺身都系第一次食。薄薄一片，口感出奇地爽滑，而且味道新鲜，完全无腥味同异味，一试就爱上咗～萤光鱿鱼冲渍 HKD58 萤光鱿鱼嘅外表黑黑沉沉，望落一啲都唔可口，细细只嘅size同尾指差唔多大细，但食落原来几惊喜。首先，入口已经感受到佢好滑溜嘅外皮，少少黏口，一咬，咸咸鲜鲜嘅汁液瞬间向口腔入面喷发，感觉好特别。初时系几有新鲜感，但食多几只之后，个口就开始觉得愈来愈咸，所以我会建议用嚟送酒食，两者应该会几夹～盐烧BB喜之次 HKD248其实佢初时个样好正常架，但烧完之后就变到面目狰狞咁嘅款，但都无损佢嘅美味。外皮烧到干身香脆，而内层鱼肉就好嫩滑多汁，甚至仲滑过蒸鱼，滑到连筷子都差啲夹唔起。虽然话系盐味，但食落一啲都唔觉咸，食嘅系条鱼本身嘅鲜味，好食到忍唔住要配返碗饭食，唔系夸张，但可能真系我暂时食过最滑嘅烧鱼。