影片
更多
2017-11-18
206 浏览
好难得新界区终于有日本浜烧店，唔使专登出尖沙咀或铜锣湾食。开得咁近我住个头，而且早前系网上平台见到佢地既报导，望落几高级同企理，咁啱有朋友生日，就即刻订左位食呢间！烧海产类我认为呢间浜烧最特别既地方就系有店员一直会企你隔离，帮你烧野食同切好所有食物。完全唔使怕自己唔识烧，会烧唔熟或烧㶶之外，亦唔使担心食物几时可以食得，呢项服务完全系贴心。黄金蟹膏甲罗烧($88); 海胆蟹膏甲罗烧($88)我同我朋友都超级喜爱食甲罗烧，所以就一人食一款。呢度既甲罗烧非常重料，大大的蟹盖装著不少份量的蟹膏，另有脆口鲜甜的蟹籽同有海水咸香的蟹肉。拌上鹌鹑蛋黄，甲罗烧变得格外甘香幼滑。两者甲罗烧的分别在于：黄金那款较香浓，因为拌有浓郁的味噌; 而海胆那款则较清甜，相对容易吃到蟹膏原来的味道。重口味的我，偏好黄金甲罗烧多一点点。吃完这甲罗烧，都已经满足了大半，果然是这里的镇店之宝！烧鲍鱼($68)鲍鱼十分新鲜，烧的时候还在动。鲍鱼不太厚，所以食落够腍。不过就唔系太够味，要自己点海鲜酱油就调返鲜味喇。牛油烧帆立贝 ($58)帆立贝肉质爽、大粒厚实、鲜甜。用牛油烧更香滑，一啲都唔韧！刺身类生蚝 ($68/只)生蚝有
烧海产类
我认为呢间浜烧最特别既地方就系有店员一直会企你隔离，帮你烧野食同切好所有食物。完全唔使怕自己唔识烧，会烧唔熟或烧㶶之外，亦唔使担心食物几时可以食得，呢项服务完全系贴心。
黄金蟹膏甲罗烧($88); 海胆蟹膏甲罗烧($88)
我同我朋友都超级喜爱食甲罗烧，所以就一人食一款。呢度既甲罗烧非常重料，大大的蟹盖装著不少份量的蟹膏，另有脆口鲜甜的蟹籽同有海水咸香的蟹肉。拌上鹌鹑蛋黄，甲罗烧变得格外甘香幼滑。两者甲罗烧的分别在于：黄金那款较香浓，因为拌有浓郁的味噌; 而海胆那款则较清甜，相对容易吃到蟹膏原来的味道。重口味的我，偏好黄金甲罗烧多一点点。吃完这甲罗烧，都已经满足了大半，果然是这里的镇店之宝！
烧鲍鱼($68)
鲍鱼十分新鲜，烧的时候还在动。鲍鱼不太厚，所以食落够腍。不过就唔系太够味，要自己点海鲜酱油就调返鲜味喇。
牛油烧帆立贝 ($58)
帆立贝肉质爽、大粒厚实、鲜甜。用牛油烧更香滑，一啲都唔韧！
刺身类
生蚝 ($68/只)
生蚝有手掌咁大，属淡海水味，肉不是太厚太creamy，但亦够冰冻可口。
六点盛合 ($268)
除了生蚝，还点了有6款刺身的组合，每款刺身有两片: 三文鱼腩、牡丹虾、带子、池鱼、油甘鱼同鱿鱼海胆。身为海胆爱好者，我对鱿鱼海胆最满意，鱿鱼烟韧有嚼劲，能够突出香滑浓郁既海胆，令其甘甜味道升华。油甘鱼亦令我印象深刻，鱼肉嫩滑鲜甜而带有丰富油脂，一咬落去油香充斥住整个口腔，非常满足！
寿司类
牛油果软壳蟹卷 ($68)
这个卷物是必点的，卷物大大件，每件都包有脆口又有肉的软壳蟹，上层的牛油果够熟，非常软滑甘香，点沙律酱吃很配。
福丸盛合 ($188)
呢个盛合由7款寿司组成，包括吞拿鱼、三文鱼腩、火灸馒鱼、火灸左口鱼裙边、帆立贝、油甘鱼和鲷鱼。值得一赞既系寿司饭全部都用上赤醋制成，微酸而香醇，可以令寿司整体味道更有层次，亦可以带出食物鲜味。最喜欢吞拿鱼，虽然用上赤身而非拖罗部位，但依然肉质嫩滑而肥美，入口鲜味浓郁，另外左口鱼裙边经过火灸后味道较香口，小片青柠衬托下仍然保留到鱼鲜味，层次丰富。
熟食类
芝士奄列炒面 ($88)
最后仲点左呢个炒面食，老实讲，呢个奄列炒面比起刺身更惊喜！奄列煎得薄身而且金黄色，包住芝士食，好香口。炒面既调味超好吃，用左日式甜酱油炒，幼面一啲都唔立口，够干身，加上里面有丰富的配料 (蔬菜丝同豚肉)，的确令我留下深刻印象。
饮品类
左: 西柚汽酒 ($38) 右: 柠檬可乐highball ($40)
西柚汽酒一般般，疑似沟左梳打水既有味饮料; 柠檬可乐highball系沟左whisky，味道都系偏甜，系有苦味的柠乐。饮品类平平，都系叫返正式酒精饮品会较好。
呢餐贵就系贵左啲，但可以系荃湾区食到如此足料香浓的甲罗烧、新鲜的水产同好味的日式炒面，也是值得的。
张贴
