炎天丼 (已結業)

天妇罗 一种好食嘅话会好好食 难食嘅话你连放入口都唔想嘅食物喺香港食天妇罗 我十次有九次都整走啲皮 食入面旧嘢就算 点解呀 因为粉多 皮炸皮又唔痴肉 一整就甩 未会咁做啰但竟然比我揾到一间 有良心 有质素 而且出色嘅天妇罗饭餐厅 真系令我喜出望外依个天don 睇上去同一般餐厅无异 特别嘅可能系多咗旧菜心天妇罗 同炸鸡蛋天妇罗 但重点往往在细节 对我黎讲 天妇罗最紧要系炸皮厚薄适中 外脆内juicy 炸皮要有少少风味之余又唔可以抢咗食材原有嘅味道 依间良心小店 佢做得到 而且佢仲好细心 有教到你食咩先 同埋比饭素你加落饭度 令到原本唔太易送饭嘅天妇罗 都可以有饭素去送饭 咁我就可以专心咁欣赏出色嘅天妇罗 当中我最欣赏系佢嘅炸虾天妇罗 一种最为人熟悉嘅炸物 佢外脆 内juicy 要知道正常餐厅因为成本问题都唔会用鲜虾 但佢嘅炸虾比到我有食鲜虾嘅juicy 弹牙感 一流当然 最重要系佢有良心 所以我好推荐大家一试