蠔站 (黃金廣場) (已結業)

今日去铜锣湾行街, 知道Oyster Station开左新分店, 去食下蚝先, 餐厅全层, 有大电视播著外国歌曲, 座位够多, 舒适, 坐抵近窗口位, 见到SOGO大电视, 非常清楚, 都几震撼, 先叫半打生蚝, 今日系来自塔斯曼尼亚的生蚝, 有大有细只, 矿物味好浓郁, 真系好抵食, 之后叫了德国咸猪手, 厨师细心的切好晒一件件, 外皮好脆, 有好多筋同骨胶原部份,配了指定的酸萝卜丝, 中和腻口感, 还有薯角, 新鲜沙律菜, 好正呀!再叫了个荷兰大啡菇配黑松露意大利饭, creamy , 黑松露味香, 大啡菇软淋,  份量都多, 好饱肚。同朋友慢慢食下倾下计, 坐得好舒服。