1/2 Sweet

营业中

休息中

莓果森林黑糖珍珠牛乳酸酸嘅莓果同黑糖比例取得平衡，唔会过份甜腻，牛奶味都几重。仙草焙茶黑糖珍珠牛乳茶味为主，带点黑糖香味，加埋仙草滑嘟嘟同珍珠Q弹嘅口感，相当丰富！对佢哋新出嘅窝夫有兴趣，叫咗四款口味，有个盒仔装住，拎走几方便。我地摆低咗成两个钟先开始食，以为咁多酱汁食落一定淋晒，估唔到仲保持到香脆口感😱 我哋都好惊讶！苹果忌廉芝士-加埋苹果粒更清新。特浓黑芝麻-香浓黑芝麻，唔算太甜。焙茶脆脆-茶味十足，脆脆增加口感。烤芝士布甸-咸咸嘅芝士同香甜布丁混为一体，几有层次嘅风味。