Crostini Bakery & Cafe (已結業)

今日天气冻！仲要户外工作！真系好难顶，收工好想奖励下自己！ 来到呢间西饼店，门面好光鲜，莹光蓝灯撞黑白色好抢眼！只有外卖，无得堂食！因为已经晚上9点几，雪柜内嘅款式唔算多，西饼卖相精致！我偏好水果味嘅甜品！好清新！见到呢款黄色好抢眼！仲要系我喜欢嘅芒果味！就拣了呢款！店员帮我将件饼入袋（袋口都几窄，佢可以唔伤害到件饼嘅情况下入袋）出面落紧雨，幸好纸袋纸质坚韧，几钟意个纸质，纸袋虽然设计简单，但比人好欧式嘅感觉！又环保！唔使一件饼就用硬纸盒！自己都觉得浪费！本来店员仲配埋木叉比我（支木叉几靓）但我唔想浪费就唔要！运送件饼回家，仲系完整无缺！撕开纸袋！食一啖，慕丝滑而弹牙，芒果味几香，热情果味反而唔算强！酸酸甜甜，中间蛋糕松软，仲有层芒果酱！底层脆饼底脆脆！上面三粒莓好酸，中和了西饼嘅甜！好醒神！整体味道好味！（如果多点热情果酸味会特出啲）店员好爽手，仲有八达通比钱！好方便！