沙嗲王 (已結業)

放工同朋友揾嘢食，谂起好耐冇食沙嗲王，所以就决定嚟旺角呢间试下。呢间沙嗲王个场超级大，而且装修好新净，坐得好舒服。我哋嗌咗碗清汤香茅猪扒米线，卖相都唔错，一共有三块香茅猪扒。香茅猪扒一如以往咁好食，又林又香口。另外叫咗白咖喱厚切吉列猪扒米线，白咖喱汤底好香，一啲都唔辣。猪排一共切成四件，啲肉厚得黎唔会好鞋，虽然系吉列猪扒，但系感觉唔会好热气，好好食。脆虾棒外脆内热，点埋他他酱一齐食，真系好正。热紫薯鲜奶唔系好大杯，不过都几香，饮落唔会过甜。抹茶鲜奶珍珠个样睇落几好饮，但系饮落冇乜抹茶味又冇乜鲜奶味，啲珍珠黐埋晒咁，完全啜唔到上嚟。沙嗲王嘅嘢食真系好出色，不过饮品就真系有待改善啦。