紅椒力量 (已結業)

第一次到屯门V city既Pepper Power食饭，亦将会系我最后一次系呢间餐厅食饭。今日刚好系附近有要事要办，又想食东南亚菜，系商场转了转，见Pepper power既午市餐单多元化而且价钱实惠，所以决定系到食。入坐不久我就决定好要叫想食好耐既冬荫功粉配香茅鸡翼，落单后大概5-10分钟碗冬荫公粉就黎到。虽然漏左鸡翼，但待应好快就察觉，整体上菜速度尚算快。先尝了一口冬荫功汤底，偏酸唔够辣、带有椰香味，粉既份量适中。尚可。刚好鸡中翼系呢个时候补上，眼见卖相金黄色我急不及待攞起一只黎食。被骗了，鸡翼无想像中炸得咁香脆，皮腍唔香脆但多油，鸡翼亦腌得唔够入味，唯一可取既就系肉质嫩滑，但一般鸡翼都好难整得鞋。本身谂住今餐就此罢了，点知没有最差，只有更差。4只鸡翼中接下来既3只唔止唔入味，连最基本既肉都唔熟，好似鸡刺身咁！实在令人太失望，待应经过见到亦没有主动帮我换。虽然价钱吸引，上菜速度快，环境还好，服务尚可，但食物质素既第一印象太差令我不敢回访。