越北牛肉粉專門店

营业中

休息中

好耐冇食越菜喇，得知附近开咗间新餐厅叫越北牛肉粉就嚟试下，点咗两个Tea Set。越北综合牛肉汤檬粉 $60（生牛肉、牛腩片、牛肉丸）Tea Set 嚟讲碗粉都几大碗，牛肉都几多，牛腩都够软腍，牛肉丸牛汁味好浓我钟意，汤底用牛骨汤去熬，整体都几好味😋。越北三宝汤金边粉 $65（香茅猪扒、香茅鸡翼、扎肉）香茅猪扒好大块，香茅鸡翼都炸得好脆，猪扒同鸡翼嘅香茅味道好香好正，札肉就都OK。马拉盏灼通菜 $22我钟意食通菜，贪佢咬落够爽口，都几抵食。岘港炸虾饼 $30炸虾饼最紧要点个酸辣酱，虾肉都弹牙，唔错。热蜂蜜玫瑰柚子茶 (套餐加配特饮$8)真系有啲玫瑰系度，配埋柚子嘅香味，又好饮又健康。越南椰汁冰咖啡 (套餐加配特饮$8)咖啡味道香浓，椰汁如果可以多啲仲好。