愛上米線 (美輪大廈) (已結業)

今日迟食lunch，行去北角睇见呢间新开，装修几吸引，于是响度食晏。下午1:45左右到餐厅，响门口等咗一阵就入到去。餐牌好简约，本来想要红烧排骨米线(药膳猪骨汤)，但待应话卖哂，于是拣咗火爆肥肠盖码粉。肥肠粉上枱后平平无奇，但出奇地肥肠份量超多，有11至12旧大肥肠，仲有好多辣青椒，少少炸过既鹰嘴豆，捞埋米线一齐食好香口惹味，米线份量颇多，食完米线后仲有肠净，之后清埋啲𩠌。呢个捞粉系单叫58蚊，唔包饮品，价钱稍贵，如果要跟饮品小食，要加18蚊，我觉得太贵，同埋米线太大碗，无加钱转套餐。而家做紧优惠，头200位送鸡翼，下次有机会可以早啲出嚟食。