湘肴世家

营业中

休息中

想食辣野，除左川菜，湖南菜都系唔错嘅选择。一入到餐厅，就有一种返左大陆嘅感觉，无论菜式定店员嘅口音、服务（同大陆嘅服务一样咁参差），完全100%match! 仲有大陆先有嘅菊花茶，心谂呢间餐厅应该都会几正宗！先上菜嘅系茶香虾，以为茶香唔辣，但原来都有少少辣。配料有类似紫苏叶嘅香叶、干辣椒、葱蒜等，好香好有获气，虾都好食新鲜，够惹味！之后系手撕包菜，呢味次次去深圳都要食，又系香辣惹味。不过呢度就差少少获气，同埋太油。最后系小炒肉，全碟都系青椒同薄薄嘅五花肉，相当香口好食，送饭一流！ 2个埋单三百几蚊系有啲偏贵，但香港都食到咁有获气嘅小炒都好难得！