倫哥尊尚火鍋私房菜 (已結業)

每次食鸡煲都钟意试下唔同店，今次就来左呢间伦哥鸡煲私房菜！侍应叫我地关盖煲大约7-8分钟之后，一定要炒下d鸡，如果唔系就痴底。我地一打开个盖就感受到呢间嘅鸡煲同其他店嘅唔同，呢度嘅鸡煲里面嘅调味香料系十分浓郁，以至于系煲滚烟冒起嘅时候，个种味系会令到你打乞嗤嘅程度（特别系如果你个鼻比较敏感），越辣就越劲，我食其他嘅鸡煲系未试过咁，可想而知呢鸡煲个味道系几咁惹味，非常香辣可口，而且份量都好多，两个人净系食完个鸡煲都已经饱饱地！食完鸡煲就到火锅啦，我地拣左薯仔蕃茄汤底。最正就系呢个海鲜拼盘，有鲍鱼、青口、虾、带子等等，海鲜配以冰块上碟，保持新鲜度，所以D海鲜熟后食落都几爽口，唔会霉霉嘅感觉，我就特别喜欢佢个鲍鱼，食落有种鲜甜嘅味道！呢度嘅肉都系任叫嘅，我地叫左猪同牛，可能我渌得有d耐，牛肉食落比较韧，所以我钟意呢度嘅猪肉多d，口感更为嫩滑！呢度饮品除左汽水之外，仲有乌龙茶等几种茶饮，对于唔饮甜野嘅我来讲就o岩晒喇甜品系冰粉，几特别，冰粉够冻够滑！