老長沙湘菜館 (已結業)

今晚放工同屋企人系佐敦呢头揾嘢食，吴松街附近有间新开既湘菜馆—老长沙湘菜馆，见到餐牌既菜式几吸引，就决定系度食晚餐。餐厅位置都几近站，无论佐敦定柯士甸站落都方便。有两层，环境唔错，卡位坐得好舒服！我地叫左4个菜。呢碟系凉拌海带丝，同我想像中既凉拌海带丝唔同，佢唔系爽口既，反而系软软地既口感，酸酸辣辣，特别开胃！重有好香既蒜味！食辣嘢紧系饮返壶靓普洱。小炒黄牛肉，好香好辣，送饭一流，脂肪少、肉质好扎实！好多香菜配埋一齐食，同牛肉相得益彰！干锅鸡，暖住食，热辣辣！糯米蒸排骨，好特别，第一次食，糯米饭食落，烟烟韧韧，朔晒排骨嘅鲜汁，味道口感都好正！