臺坊 (加拿分道) (已結業)

餐厅主打台湾食物，有肉燥饭、牛肉面、拌面、冷面，仲有蛋饼同小食，岩哂同朋友share食。店舖唔算大，大约10几个座位，食客可以自成一角，慢慢食，亦有板隔开。当日晚市6点左右，已经有唔少食客，更多既选择外卖添。叫左盐酥鸡肉燥拌面($57)，芝士粟米蛋饼($40)，黄金芋圆波，小麦胚芽奶茶。盐酥鸡有4大件，脆身。鸡肉有汁嫩滑，调味唔会过重。而食落口亦唔会觉得油腻。拣左肉燥拌面，肉燥量好多，足以拌匀所有面条。面条属硬身dd，个人接受亦钟意硬身d既面。就算男仔食，都够饱。蛋饼必叫，因为馅料多到满泻之余，饼皮香口，而且带烟韧口感。仲用小煎pan装起，好得意。芝士粟米既配搭永远最夹，粟米甜，而芝士多到做到拉丝既效果，爆馅兼饱肚。芋圆波炸到变金黄色，圆碌碌，五粒既色泽都几乎一样。咬开系啖啖芋泥，芋泥较甜，而外皮烟韧，食多几粒都唔觉热气。跟餐可以以优惠价配饮品，奶茶味浓郁，颜色较深，带茶香。底部有大量胚芽，饮前记得要摇匀先。整体，值得一赞既系，食物味道调味唔错，份量多，而且上菜速度快，即叫即整都快手，𩠌菜热辣辣添。挂住台湾小食既朋友，可以解一解思乡情怀。