影片
更多
2013-07-19
300 浏览
年初获邀嚟咗一次「马来一」试菜，跟老婆回味咗好多星马美食，又想返起08年去马来西亚嘅片段，真喺一次好愉快嘅晚餐。再嚟马来一，都喺重寻地道滋味。因为都唔喺第一次嚟，所以开场白、室内环境、服务……等等就唔多提喇，反正跟上次嚟都无乜差别，侍应依然殷勤招呼，礼貌周周。故此，事不迟宜，立即去片分享美食！啰惹酱蔬果沙律 $53最有风味及地道特色嘅马来西亚沙律「啰吔」，点可以唔再嗌等朋友试试先！菠萝、番石榴、青瓜、杨桃、莲雾、土鱿跟槟城虾酱及马六甲棕榈糖捞匀，油炸鬼后下，味道相当有趣，咸咸酸酸挺醒胃，当中又渗出丝丝蜜甜，跟上次一样，依然惊喜。沙爹鸡肉 / 牛肉串烧 $72（6串）沙爹又喺马来西亚另一特色小食，叫足一打都不为过。鸡肉及牛肉本身都稍稍以传统马来酱料腌过，烧香后蘸自家秘制沙爹真喺一流，沙爹酱浓郁香甜，带重重花生香，加上串烧又有啲焦㶶位，宁舍有炭香。伴碟嘅都喺传统做法，有饭糕、青瓜、洋葱，后两者我OK，前者饭糕就麻麻哋有兴趣喇！马来咖喱鸡饭 $80本来点咗个马来咖喱鸡饭，但店方搞搞新意思，问我哋想唔想试油酥饼，咁仲好㖞，比食饭更有特色啦！油酥饼酥软柔香，虽然感觉会喺肥腻咗少少，不过点埋咖喱汁
因为都唔喺第一次嚟，所以开场白、室内环境、服务……等等就唔多提喇，反正跟上次嚟都无乜差别，侍应依然殷勤招呼，礼貌周周。故此，事不迟宜，立即去片分享美食！啰惹酱蔬果沙律 $53
最有风味及地道特色嘅马来西亚沙律「啰吔」，点可以唔再嗌等朋友试试先！菠萝、番石榴、青瓜、杨桃、莲雾、土鱿跟槟城虾酱及马六甲棕榈糖捞匀，油炸鬼后下，味道相当有趣，咸咸酸酸挺醒胃，当中又渗出丝丝蜜甜，跟上次一样，依然惊喜。
沙爹鸡肉 / 牛肉串烧 $72（6串）沙爹又喺马来西亚另一特色小食，叫足一打都不为过。鸡肉及牛肉本身都稍稍以传统马来酱料腌过，烧香后蘸自家秘制沙爹真喺一流，沙爹酱浓郁香甜，带重重花生香，加上串烧又有啲焦㶶位，宁舍有炭香。伴碟嘅都喺传统做法，有饭糕、青瓜、洋葱，后两者我OK，前者饭糕就麻麻哋有兴趣喇！
马来咖喱鸡饭 $80本来点咗个马来咖喱鸡饭，但店方搞搞新意思，问我哋想唔想试油酥饼，咁仲好㖞，比食饭更有特色啦！油酥饼酥软柔香，虽然感觉会喺肥腻咗少少，不过点埋咖喱汁同食，感觉就变得不一样咯。马来咖喱本身重椰香，带中辣，香辣可令油酥饼食落无咁油。咖喱中嘅鸡件用上鲜鸡，所以鲜嫩有鸡味。
槟城福建虾面 $88上次试咗个公关推介嘅槟城亚参喇沙，确实喺好介绍，不过心多都想试新嘢嘅，另一推介喺个槟城福建虾面，一于要试试。香辣嘅汤面配以豆芽、通菜，仲有鲜虾、猪肉及酥炸香葱，睇嚟非常丰富。汤底鲜甜清新，渗出阵阵香辣，而虾味突出，最有趣喺用上油面拼米粉，又喺地道特色！
海南鸡饭 $108卖相、摆位甚精致，一客海南鸡饭，除咗有海南鸡，仲有鸡油香饭，唔少得嘅黄红黑三色酱（姜蓉、特制辣椒酱、黑酱油），以及一碗清鸡汤，所以，卖$108绝对交足功课。海南鸡肉滑脂肪少，鸡油香饭大大碗几个人分就最好喇，兼且油香满溢，饭粒分明，而姜蓉同黑酱油捞饭仲特别正，鸡汤又鲜浓，扒啖饭，呷啖汤，食件鸡，何其畅快！
甜品方面，上次食过嘅榴梿布甸（$38），榴梿味浓郁，又富奶香，挺身而软滑，真喺过足榴梿瘾，所以已内定为「翻兜」之选，另外加多两款晌度未试过嘅甜品，又比较吓会喺点。椰汁黑糯米 $28
温热嘅黑糯米，烟烟韧韧，配以新鲜椰浆，椰子味突出，虽然无话跟出面食到嘅好到飞起，但绝对喺一碗水准不俗嘅椰汁黑糯米！
西米布甸 $28卖相颇特别嘅西米布甸，将西米布甸做成球形倒晌玻璃碗内，淋上棕榈糖以及椰浆，令淡口嘅西米立时变得甜甜蜜蜜，椰香四溢，加上西米带点弹弹口感，小弟又几钟意佢㖞。
今次篇食评用得最多就喺「特色」两个字，马来一做嘅星马菜，又真喺确有特色嘅！
张贴
