影片
更多
2023-07-30
619 浏览
🍲 马来亚春色绿野景致艳雅 (鲗鱼涌) 📍𠮶日碌IG 放大镜🔍嘅时候，见到有个高质喇沙集合嘅post，好似好吸引咁🤤，而有间就系喺M先生返工附近，所以就决定揾佢食lunch啦。🍴正宗巴生肉骨茶 $80 6/10但去到见到痴住咗好多海报喺铺头，写住正宗肉骨茶，三代家传秘方等等，先发现好似系主打肉骨茶，咁梗系即刻叫返个啦🤩。戴返个头盔先👷🏻♀️，我冇去过马来西亚或者新加坡食过肉骨茶，所以我唔知点先算正宗。我唯一一次食肉骨茶嘅经验就系喺北角𠮶间古月，下次有机会介绍吓。一上到嚟就俾佢个沙煲震慑到，即刻觉得劲正宗😂。然后有附上油炸鬼，黑酱油，蒜蓉以及指天椒粒，仲有最最最重要嘅油饭‼️因为之前食古月佢系配白饭，仲要呢个油饭唔系平时食海南鸡普通嘅油饭而系「马来葱油饭」，我觉得劲好食，劲香但唔油👍🏻。 如果油饭单独俾分嘅我会俾💯。咁系时候讲吓肉骨茶啦，um….我就觉得个汤底麻麻地，可能我食唔惯「正宗」啦，饮第一啖汤嘅时候，系feel到好有药材味，然后就系得返甜味，甘甜嘅味，食到后尾会觉得腻，我系冇饮晒个汤，冇乜层次，感受唔到大蒜味，不过可能系佢标榜唔辣嘅关系啦。相反，之前食古月肉骨茶个汤底系会有多啲层次
🍲 马来亚春色绿野景致艳雅 (鲗鱼涌) 📍𠮶日碌IG 放大镜🔍嘅时候，见到有个高质喇沙集合嘅post，好似好吸引咁🤤，而有间就系喺M先生返工附近，所以就决定揾佢食lunch啦。
🍴正宗巴生肉骨茶 $80 6/10
但去到见到痴住咗好多海报喺铺头，写住正宗肉骨茶，三代家传秘方等等，先发现好似系主打肉骨茶，咁梗系即刻叫返个啦🤩。
戴返个头盔先👷🏻♀️，我冇去过马来西亚或者新加坡食过肉骨茶，所以我唔知点先算正宗。我唯一一次食肉骨茶嘅经验就系喺北角𠮶间古月，下次有机会介绍吓。
一上到嚟就俾佢个沙煲震慑到，即刻觉得劲正宗😂。然后有附上油炸鬼，黑酱油，蒜蓉以及指天椒粒，仲有最最最重要嘅油饭‼️因为之前食古月佢系配白饭，仲要呢个油饭唔系平时食海南鸡普通嘅油饭而系「马来葱油饭」，我觉得劲好食，劲香但唔油👍🏻。 如果油饭单独俾分嘅我会俾💯。
咁系时候讲吓肉骨茶啦，um….我就觉得个汤底麻麻地，可能我食唔惯「正宗」啦，饮第一啖汤嘅时候，系feel到好有药材味，然后就系得返甜味，甘甜嘅味，食到后尾会觉得腻，我系冇饮晒个汤，冇乜层次，感受唔到大蒜味，不过可能系佢标榜唔辣嘅关系啦。相反，之前食古月肉骨茶个汤底系会有多啲层次，有胡椒味同蒜嘅辣味，系饮得晒成个汤嘅。不过佢哋系唔同风格啦，一个系新加坡🇸🇬，一个系马来西亚巴生🇲🇾，但我个人钟意新加坡𠮶款多啲🙈，所以我应该唔会翻兜呢个。
但值得一赞嘅系佢嘅配料好足，啲肉好大旧，又唔会好柴，肥瘦相宜，又有冬菇、豆卜、枝竹等嘅索汤配料。同埋佢有黑豉油俾你点，另到味道冇咁单一。
🍴喇沙 咖喱鸡+参岩鱿鱼 油面+米粉 $85 8/10
终于嚟到重头戏啦，就系我期待已久嘅喇沙啦🤩。佢点餐个方式有啲似车仔面，但汤底就固定咗做喇沙，𩠌就拣咗 咖喱鸡+参岩鱿鱼🦑，面可以拣mixed埋嘅油面同米粉，咁有趣，就紧系试佢啦。
佢个汤底系劲浓厚，有椰奶香、甜甜地，唔会辣，好有层次❗️，劲好饮，最后我系饮晒成个汤底😍。同埋佢附有豆卜，劲索汤，劲正。
但我觉得个咖喱鸡就正正常常，冇乜特别，下次应该唔会叫，会试吓海鲜，而个鱿鱼就唔错，几弹牙同入味。
而米粉劲索汤，油面又将口感增加咗多一个层次，咁配搭法有意想不到嘅夹，几有趣吓。
跟餐送是日饮品—洛神红苺，正正常常，几消暑吓，但味道略嫌有啲药水同假，要另外加钱嘅唔会叫❌。
💰 翻兜指数: 7/10
整体嚟讲，我觉得价钱以lunch算偏贵，但佢嘅地段又喺鲗鱼涌，咁谂谂吓又好似还好。
喇沙汤底真系推荐，下次我应该会再翻兜喇沙，但肉骨茶我真系麻麻哋，钟意食古月𠮶个多啲，应该唔会再翻兜。
不过留意番啦，要人齐先可以入座，同埋店舖都比较细，座位有少少逼狭。我去食嘅时候成场爆满，有机会需要排队。
马来亚春色绿野景致艳雅 (鲗鱼涌) 📍
鲗鱼涌英皇道881号丽华楼地舖
张贴
