馬來椰爺

营业中

休息中

呢间小店好耐之前食过一次觉得好好食，米纸介绍过之后长期都见到人龙，呢晚经过见到无人排队即刻就入去食😋🐷虎虾帆立贝三重香虾叻沙汤掺掺 $98呢个有两只虎虾，帆立贝，蚬肉，鱼蛋，豆卜同埋大量樱花虾系面头。一饮落口系超级浓既虾味，虾汤加叻沙令到个汤鲜甜得黎有少少辣好惹味。掺掺系油面加米粉，两样索汤力都好强，仲要加左青瓜丝，爽口得黎感觉又多一份既健康👍🏻🐷虎虾帆立贝海鲜椰爷秘传叻沙掺掺 $98呢个配料基本上系一样，但汤底唔同左就完全系另一种感觉。呢个汤底好重椰奶味，椰奶既香甜同叻沙既微微辣，好香甜好浓郁。店家提供左青柠建议大家食到一半既时候落，又带黎另一种清新既味，唔会过食到最尾好漏👍🏻👍🏻🐷斑兰椰香咖央多士 $29咖央酱系店家自家制既，斑兰酱好香，甜味都岩岩好。厚厚一层涂系多士中间无得输，要挑剔就系多士略嫌烘得唔够脆，淋淋地的。